يا روحي احيا بك
يا روحي احيا بك وحنا غريبيـن
مانيب أشوفك وانت ياروح ذاتـي
في داخلي واشكي معك لوعة البين
بعيد عني وانـت نبضـة حياتـي
يالحظتي لو الزمن بيننـا سنيـن
ويا منوتي لوماحصل لي مناتـي
صوتي تقطع في فـلاة المحبيـن
وشوفي تبدد مع سـراب الفـلاة
لا وهني من هم على الما مقيمين
وانا يبس صوت الرجا في لهاتـي
اهيم في صحرا عديمـة عناويـن
متاهة خلـو الشجـر والحصـاة
الليل يوحش والضحى يجرح العين
والحزن يكتب من عذابي غناتـي
امني عيوني من الحيـن للحيـن
عسى الفرج مع طلعة الصبح ياتي
ياطاغي الفتنه من الراس للقيـن
ياليتني استر لوعتي في عباتـي