[هاوي نجد]

حمام يللي تزعج الصوت بلحان = وتجيب من زين الغواني لحوني
ماتدري اني تالي الوقت مشحان = واللي حصل ياطير خيّب ظنوني
جيت اللّعديل الروح والبال طربان = وقفيت منّه زايداتً طعوني
سلط على الفرقا ليا جات يافلان = تجرح صغير السن طفلً حنوني
من عقب ما دمعه ظهر وسط الاعيان = من عبرته تبكي وتذرف عيوني
يشكي علي فرقا الحبايب والاضعان = ويقول شف حالي برته الحزوني
زرعً صغيراً باول البرد ضميان = وش عاد لو لاعه سموم الكنوني
والله مشحن خاطري غيره انسان = احن له حنت حلال القطوني
وانا عليه من الصواديف شفقان = بس الحذر ما فاد راعي السجوني
ياغلى البشر هونك(س) على بوك(س) قد كان = هيضت مافي خاطره من شجوني
نذراً علي يابوك(س) والنذر برهان = مادمت حيً ماتشوف الغبوني
بس امسح الدمعه ولاتكون زعلان = واللي كتب ربي لزومً يكوني