[ابو أنس]

ليت من يقرا وجيه الخلق يعرف مدّها=كيف تخفي في ملامحها الجميله وجه سو
كيف تَظهر بالمحاسن كيف تخفي ضدها=والبواطن كنها المرجل بها جمر ن وضو
ملمس الثعبان ناعم آه ما الين جلدها=بس ما تومن ولا تضمن ولا منها دنو
والغشيم من القلوب اللي تبيح بسدها=ثم تعجز عن صيانة ما تلف ويصير هِو
وان وقع بايد الخسيس ابرم حبال وشدّها=وابتدا يحكم ويامر ويتكلم من علو
أظهر انيابه وكشّر واستعد وحدّها=واعتدا يقضم ويقرض دون عطف ن او حنو
ييتسم كنه خبيرن بالكياسه والدّها=جازم انه(حسب رايه)في ارتفاع وفي سمو
والضحيه من حلاة الروح تفرك يدّها=صارت الرجعه سراب وهي تظنه فيض نو
وان بغت مخراج لوّح بالمقاضب ضدّها=لين تخضع للمطالب مابها ييس ن ونو
ترجع النفس وتزيد اللوم تندب غدّها=كيف صادتها الشباك وما يفيد اليوم لو