اقتباس:
المشاركة الأصلية كتبت بواسطة الطائر المهاجر
إلي عمري ، إلى همّي ، إلى من همّها أمـري= إلى من قررت نفيي لواد الصـدّ والحرمان
أنـادي والصدى صـوتي بليلٍ غايب البـدري = أحسّ إني كما التايه غريب الدّار والأوطان
حبيب الروح ما تسأل ، ولا نت بحالتي تـدري = ترى الهجران في حقي قهر ما يقبله إنسان
تغيّـرتي مع الأيـام معاد أنتي على خبـري = نسيتي كل شيٍّ راح ، ذكرتي بس انا الغلطان
نسيتي ماضي الذكرى وقولك دوم ياعمـري= ونا المسكين ما أدري سجينك وانتي السجان
الا يا مهجتي يكفي صدودك خنجر بصدري = تحمّلته على شانك تعودي يوم للولهـان
أنا داري بأحوالك وصعبٍ تقبلي عــذري = ولكن قلبك الطيّب أعـرفه دايم الغفـران
تعالي نبتدي صفحة ، نجـدّد حبّنـا العـذري = ونبني للسعادة صرح ساسه حبّ عن إيمان
تعـالي نزرع البسمة ونعطي للأمل فجـري = ونضحك مثلما كنّا ونركض في سما الوجدان
تعـالي نلعب الشطرنج نفهم كل ما يجـري = نراقب فارس اللعبه يخطط لعبته باتقـان
إذا من حـرّك لفيـله حسبنا لعبته تغـري = ولكنّه يفاجئنـا بهجمة ما لها حسبـان
يدمر كل ما واجه قـلاع وحصن بالغـدري = على حصان المكر يمشي وقلبه بالحقد مليان
تعالي يا بعد روحي نسافر فالهوى بحـري = بنهر النيل أو دجله نشوف الربع والخلان
تعالي واتركي غيري ، على قلبي فلا يطـرى = حبيبٍ غيرك أنتي بس لوني بالهجر تعبـان
أحبك ليش ما أدري ، سحرتيني على كبـري = على جزرك ، على مدّي ، وقلبك كالحجر مالان
وذا منـّك فقدتيني فلا تبكـي على قبـري = وصلي ثم ادعي لي عسى يغفر لي الرحمن
|
الله الله
صح لساااااانك ملايين
سلمت وسلم منطوقك الجزل
ربي يعطيك العافية