[عمر ال شيبي]

المشاركة الأصلية كتبت بواسطة الطائر المهاجر

اعمل المعروف وارمه في بحر = ولا تفكر بالربح والاّ الخساره
واعرف انه لو يجي منه الضرر= جالبٍ للخير لو طال انتظاره
ادري انك قد تواجه من نكر = جاحد المعروف يحسبها شطاره
وقد تلاقي من يبادرك الشكر= لو نسيته دايمٍ فيك افتكاره
كلمةٍ تشعر بها عز وفخر = من بعيد وجاهل ملفى دياره
تذكرك عن فعل في ماض انحسر = وتدفعك للخير ما تترك مساره
وكلمةٍ من جاهلٍ فيها عبر = لو تحس بحرقها مثل الشراره
تدرك ان الخلق إلا ما ندر = تجحد المعروف في عصر الحضاره
تكشف الشدات انواع البشر= وتعرف الشيهان واشباه الحباره
فالرجل ماهو بماله لو كثر = ولا هو بأصله وفصله وافتخاره
الرجل مثل الذهب طول الدهر= ما تأثر بالبروده و الحراره
والرجل منهو تسامح لااقتدر = ماهو اللي كل همه اخذ ثاره
شعبثيٍ ف المشاكل له نظر= كل يومٍ في المحاكم له خفاره
ينصر الظالم على ضعيف احتقر= وياكل حقوقه بظلمه والفجاره
والرجل بالفعل ماهو بالظهر = ياصل لعلياه عن جد وجداره
حوله رجالٍ تنقى في حذر= مابهم خادع ولا فيهم خكاره
كالمرايه صادقه للي نظر = ما تشوه للحقايق في مهاره
الوطن بقلوبهم سر وجهر = والمواطن همهم في كل غاره
والرجل من يعرف الله ما كفر= دائماً يخشاه في السر وجهاره
ما يتاجر بالعقيده لو طفر = ولا ينافق شان ياصل للصداره
التواضع منهجه مهما كبر = ما تغيّره المناصب والتجاره
عارفٍ للعمر لو طال وقصر = بالنهاية راحل بغير اختياره

ثاني مره اقراها بتامل الابداع والتصوير والحكمه في الابيات

صح لسانك سيدي وحكيمنا

تعتبر من اجمل قصائد النصيحه

لما فيها من عبر وحث على الخير

والصبر

شكرا استاذي