[حوريه]

يا صاحبي مركب غرام العشاشيق=تلعب به الآمواج من غير يمه
وانا عليه اويق ... واويق ... واويق=وان وقت به ؟ .. عطر المواليف آشمه !!
ويفّز قلبي من قوي المعاليق=ويزيد يا صاحبي جرحه وهمه
السيل قدامي .. وانا ناشف الريق=هذا العناء .. هذا البلاء .. والمطمه :
"انك تشوف اغلا البشر والمخاليق=في حظ غيرك .. كيف تقدر تضمه"
بس الصراحه ماعلى الوضع تعليق=فيدين ربٍ عالمٍ حال الامه
كذا الحياة !! وماعليها توافيق=ان كان مالله تم .. مااحدٍ يتمه
واليسر عند الله بعد ساعة الضيق=فرج لهمٍ وسط صدري ملمه
والا الهوا والعشق .. لمه وتفريق=كم عاشقٍ يشرب من العشق سمه
حدوه عن مضنون عينه .. مطافيق=واصبح يخم الهم والا يخمه
على الآمل علّق شقى العمر تعليق=من تيهته ضيّع يدينن تضمه
يهرج وكل رموز هرجه .. مطاليق=واحيان ماينطق ولا حرف فمه
ويا صاحبي كان الضماير صناديق=فتحت صدري وانت شوفه وسمه!
بيني وبينك ياخويي مواثيق=صداقتك قمه وشوفتك قمه
والله يسّهل .. والزمن نشّف الريق=يمشي بنا من غير وجهه ويمه

قصيدة الشاعر / مازن العوني

راقت لي ارجو ان تروق لكم

حــوريـــهـ