[عبدالكريم العياش]

لاتغرّك دمعة الرجل العطوف = ولاتغرّك طيبة القلب النظيف
كان جد الجد انا رجل معسوف = للشدايد بي جبل عالي منيف
ولي مساري ذيب ماداخله خوف = وكان شح الوقت بي للناس ريف
ماهوى قلبي سوى الناس الضعوف = وما عشقت من البشر الاالنظيف
ولي مبادي ماتزعزعها الصروف = ولي مواقف تنذكر من دون زيف
شامخ الهامه تحت اعتى الظروف = وليّن الجانب وبي طفل(ن) ظريف
من سلايل لابة(ن) تقري الضيوف = ومن حفيد اللي لرب البيت سيف
لابة(ن) تحمي حماها بالسيوف = تلبس دروع الوفاء لاصار حيف
الشجاعه طبع متأصل بجوف = ماكسبناه بمخدّر لاجل كيف
ولاشراب يحوّل الصاحي خروف = راضعين العز من صدر(ن) عفيف
من حليب ام الخوالد والهنوف = صافي(ن) مثل البرد في فصل صيف
لابتي من فوق ميّات الالوف = عزوة(ن) يفخر بها الرجل الحصيف

وسلامتكم
ولاهو قصور بكل القبايل والعوايل
والف نعم بالجميع
لكنه الانتماء ليس الا