[بدر العيد]

حسبي على من صادني صيدة الضب
لا هو اكلني لا ولا اطلـق سراحـي
مير يتفاخر يحسبه صـاد لـه دب
ونا متخدر بيـن نعسـان صاحـي
يقدم لي همبرقر يبي آكلـه غصـب
وانا على اعشاب البراري نصاحـي
حطيتني يازين في موقـفٍ صعـب
اسيـر عنـدك نازفـاتٍ جـراحـي
خاف الولي ان كان تعرف من الرب
وبعني علـى صنـداح والاّ فلاحـي
يمكن يلاقوا لي عـلاجٍ بـه الطـب
ويمكن اعالجهم بطعـن الرماحـي
لاشفتهم بالشـات اهلـي وارحـب
والصدر يستاسـع بكثـر المزاحـي
ويمكن نتلاقط بيننا هجـو او سـب
لكن من قلوب الطهـر والسماحـي
ومن شافنا قال الرزح قام واشتـب
ولا هوب داري مزحنـا والرزاحـي
شات الفطاحل من دخل فيه يختـب
ان ما مزح جاه المـزح باجتياحـي
فيه الوناسه ما احـد فيـه يعتـب
ومن لا صلح له ينسحب بارتياحـي
وفيه احترام الغير ما احـدٍ بيغتـب
كلش وضوح بعقل فيـه انفتاحـي
فصلٍ دراسي يدخله كل مـن حـب
يلقى المشوره وكـل علـم متاحـي
اخوات ويا اخوان من خيرة النخـب
وما به خشاش صاب عقله كساحي
حسبي على من صادني صيدة الضب
شات الفطاحل يوم يكسـر جناحـي


ابو عبدالله صـــــــح لسانك وحسبي الله على من صادك