[خيالة الشعر]

المشاركة الأصلية كتبت بواسطة النيزك

غربة زمن

غربة زمن وانا اذا جيت رحااال=أدري بأن لكل شي نهايه
لكن أسلي خاطري بكم موااال=لاضاق بي أحيان واسع فضايه
ياما بها الدنيا وناسات واهوااال =ولكل واحد في حياته روايه
وياما بها نعقد كثير من آمااال=مع الزمن صارت مجرد حكايه

ستكتمل...

وتكتمل
\

اسمح لي ان اجاريك بقليل من الكلمات سيدي الشاعر

كل ن يسولف عن حياته على جال = ويفضفض المكنون لو فيه غايه
في ذا الزمن نمشي ولا نضمن الحال = يامسرع الأيام راحت ورايه
نكتب على صدر الزمن كان شلال = يروي عيون الناس من فيض مايه
واليوم حالي بين هم ن وغربال = ماشفت بين الناس غير الوشايه
ابكي على حالي ولي دمع سيّال = اشهق وصمتي زاد فيني شقايه
وش فايدة دمعي ودمع الحبر قال = انسي حياتك وانسي اهل الدعايه
وشلون بنسى جرح في قلب لازال = جرحي كبير وجرح روحي بلايه

اسمحني اخي

ولكن ابياتك جعلتني ابوح

خجل قلمي ان يواصل ويكمل ما بدأت به انت

واعذرني على تطفلي ودخول خصوصيتك ومجاراتك

لاعدمتك