[الطامي]

شاعر ويطربني حديث الموج من فوق البحـار=واصخر الشرد الصعيبه زين وابـرى قوسهـا
عندي عليها مثل تصخير الصعاب من المهـار=لو جت بميدان القصيد العذب بـان ارموسهـا
شفت الزمان يدور والعالم مع الموجـه تـدار=والأم بقعـا ركـزت فينـا جميـع اكبوسـهـا
برد الليال البيض ما خفـف مناويـش النهـار=الله يكافينـا مـن الدنيـا وبعـض اطقوسهـا
يا كثر ما جيت اشحذ الهمه من الناس الكبـار=مير الأوادم مـن يصخرهـا ويفهـم لوسهـا
الناس مات أحساسهـا ماعـاد تنغـث وتغـار=والا أن نفسي تختلف ماهيـب مثـل نفوسهـا
قلنا لحادي العيس عيسك لو طلع منهـا غبـار=ما توصل الناس المحيله ما لقـوه عسوسهـا

العطاوي
صح السانك ملايين
رائعة من شاعر رائع
لاهنت اخي