اقتباس:
المشاركة الأصلية كتبت بواسطة نجم الإبداع
ياليل جرحي متى ودك تداويني=تجرح وتنسى وروح الصب عطشانه
حبك سكني ويجري مع شراييني=من ريقك البلسم الي مت من شانه
يازين صوتك مع العربان يشجيني=والحرف للمشتقي لمعه بميزانه
انا على جال حد الموت فابكيني=من طول بعدك بكى الطاروق والحانه
لاشك جمر التجني منك يكويني=اضحك مع الناس والخفاق باحزانه
ياخاينه ليه في قلبك كتبتيني= وانتي على كل طائر جو ولهانه
لاتحسبي انك بكفينك ملكتيني=الحر مايملكه ياكود شيهانه
لكن دامك مع العالم صدفتيني=غني بليلك وخلي الناس طربانه
|
ياصاحبي لاتزعلني وترضيني = بعض السوالف تراها مالها خانه
شايب تغزل تبى قرب المزاييني = في كل ساعة تغني دان يادانه
وتسوي علوم ياروحي وياعيني = طربان والناس يمكن منك زعلانه
قامت تزفك على الحب الشياطين = والجسم يشرب شقى والعين سهرانه
انصحك بأ ربع ياشاعرنا وثنتيني = الاوله طوف حول البيت ور اكانه
والثانيه يافلاح ان كان تو حيني = في عمر خمسين حل القلب بايمانه
زور المساجد وصل مع المصليني = واعرف ترى النار من قدحة وصوانه
والسادسه جاك علمي بين قوسيني = العمر روضة غرامٍ جف بستانه
وصح لسانك يافلاح واقبل نصيحة اخوك
اهرب من كلمة حب هذا اخر ماعندي وسلامتك والسامعين