[سمّار]

المشاركة الأصلية كتبت بواسطة نجم الإبداع

الي يفكرني عليه اموت شوق=عقب الذي سواه في وادي الضياع
مايدري اني شمت والقلب امحروق=غدر المشاعر ضاع منه الحب ضاع
لاعشت بين الناس يالضبي السروق=يالي ودادك صار بالدنيا مشاع
تستعرض شجونك وتهبط كل سوق=وانا احسب انك لي لوحدي باقتناع
صدّقت كذبك لين شفتك يالمروق= تسهر مع العشاق وتشيل القناع
تبذل غرامك بالغروب وبالشروق= للي يبي فالقاع والا بارتفاع
تكذب وتحلف لي وعندك لي طروق=وانا على النيه وفليت الشراع
خذتك في المركب حسبتك بي شفوق=واثر الخيانه فيك من سن الرضاع
واليوم من عقب الخيانه ماتلوق=ولانعدك شي من سقط المتاع

صح لسانك يابو محمد
حبك ومعنى ومبنى
لاهنت يالغالي ولا هان مغليك
ما ظنتي ياقلب ذاق الحب تروق...لو مدّ خلِّك شِبر مديت انت باع