يا قوافي الشعر قومي رتبي=نظمي حلو القوافي رتبيه
أنزلي دلوك بجوفي وزعبي=أرفعي دلوك وثمَن انثريه
أنثري فوق الورق يامطلبي=أبدعي بأسلوب راقي وكتبيه
يا قوافي حذركم لا تذهبي=سامري حبر القلم لا تتركيه
حاولي ليكون لهجك مغربي=يمكن أبلش في عقول ٍماتبيه
خلي قافك شامل ٍلفظ عربي=تسعد أرواح ٍتحبه تشتهيه
لا زهمتك يا قوافي تزهبي=حضري جزل المعاني حضريه
بكتب الجزلة بأمي وبأبي=وأبدع بقاف ٍعلى أبي وأيه
يمه أنتي آمري ثّم طلبي=أسمك الغالي أضمه واحتويه
حبك الدافي بقلبي يلعبي=لو تبين القلب خوذي وقبليه
أنتي عمري وأنتي أغلا مكسبي=من يساومني بحبك أقتويه
شوفتك يمه همومي تذهبي=عن حشا جوفي سنين ٍماتجيه
هذا حبل الودً جاكم وسحبي=اسحبي يمه وثمن عانقيه
أسمك الغالي بقلبي مذهبي=ضله أضلوعي وعطفي يستقيه
زين ذاك الوقت يومني حبي=صدرك الدافي بفمي أستقيه
كم مهدتيني حنانك مشربي=أرقد بحضنك وخدي تقبليه
لو تشوف الدمع جتني وش تبي=يابعد عمري وش أللي تشتكيه
عفتي حلو النوم في حال تعبي=حاير ٍفكرك ودمعي تمسحيه
مرت أسنين ٍوصرت أحلا صبي=أذكر أفضالك بفكري محتويه
لو تشوفي ولدك الشهم الأبي=زود حبه يرخص اللي في يديه
لك ثلاث أحقوق ذا قول النبي=يا محبين النبي صلوا عليه
لو دواك أبعد عليّه من دبي=لأزم أسافر برجلي واشتريه
بهدي أشواقي وحبي يمّ أبي=يا حروف الشعر قومي قدريه
كم بذل وقته ولبا مطلبي=لو علا سعره يجيبه يشتريه
أمشي مع دربه أنمي مذهبي=أسعى في راحت أبويه وش يبيه
مرت أسنين العمر خط شنبي=في ضلاله في رعاية ناظريه
احترام له أقوم مأدبي=من غلاه بداخلي قبل يديه
تبطي أهمومي وتخسى وتهبي=ما تزلزل حب أبويه ماتجيه
من يضيع حقهم والله غبي=الله يخزي من يعقّ بوالديه