اقتباس:
المشاركة الأصلية كتبت بواسطة محمد بن عمار
السلام عليكم /
عندما إنفلت عقال الشعر
تحررت القريحة وأروت
صحراء الفكر بما جادت ،
هذه نصيحة ومداعبة
لإبني الأكبر ،
عبد العزيز اليوم ، ودّي ألاعبك = وأسمّعك قاف ٍ يهيّض شجونك
وأعطيك علم ٍ من علومي يطاربك = يبددّ أحزانك ، ويشفي طعونك
وأعزف على أوتار القصايد وأجاذبك = ترى الشعرماهو بجزل ٍ بدونك
لاطاب لك نومك وطابت مشاربك = فخلك على عزّك وضحكة سنونك
لاتارد الحسب الردي في مصاحبك = أهل الردى ، والله ما ينفعونك
عاشر ربوع ٍ بالمخاوى تناسبك = لوغبت يوم ٍ قاموا ، ايدورونك
وخل المعالي مطلبٍ في مراتبك = مع عزوة ٍعن غيبتك ، ينشدونك
لاتحسب إنه عقب ما خط شاربك = إنك بلغت ، اللي يساور ظنونك
بالعكس ، توّك تبتدي في متاعبك = وإن الله أحيانا تشوف بعيونك
ماهو بقصدي من كلامي أداعبك = الحمل زاد ، وما تشيله متونك
نصيحتي والشور ماني باعاتبك = كان الله بعوني وأيضا ، بعونك
مودتي لتواصلكم
محمد بن عمار |
م بن عمار
صح السانك ملايين
وافية من راس عود وافي له تجاريب
بارك الله لك وفيك وفي ابنائك
ووفقك الله الى الخير دائما
شكرالك