[عبدالمحسن الرحمه]

ما نستحي من ربنا ذا الجلالي =ندعوه بالحاح ٍ يسوق الخِيالي
ما نستحي منّه ولي المخاليق=وقلوبنا فيها الحسد والجدالي
هذا يعق أمه ويقسي عليها=وهذا نسى فرضه ولا هو يبالي
وهذا أكل مال اليتيم الصغيري=وهذا قطع رحمه سنين ٍطوالي
وهذا على جاره مضيع بحقه=يعامله دايم بشين الفعالي
يضايقه دايم ويذي عياله=لو كان له جار ٍحبيب ٍمثالي
وهذا يسب الدين ويضى المشايخ=وموالي ٍلهل الكفر والظلالي
وهذا يلوح بداخله ظلم قاسي=يظلم فقير ٍ ما بجيبه ريالي
ويظلم أجير ٍ تحت أمره وشورة=رواتبه ما يستلمهن توالي
والعنصرية فرقت كل مسلم=ما همهم أنا من أفلان آلي
وهذا على لسانه يسب الصحابة=ويسب طه خير كل الرجالي
وهذا يحارب ربنا رب الأكوان=بمَ ضاربات السوق نهب الحلالي
وهذا منع ماله يزكي حقوقه=مالي وأنا حر ٍ بتصريف مالي
والسحر والغيبة وقذف التقيات=ونمايم ٍ فيها قبيح المقالي
وإسراف في الملبس وكل المأكل=ما يشكرون الله على كل حالي
وماكن ٍفيها السكر والدعارة=لأهين بالمرقص طوال الليالي
وهذا يسافر لم ديار الفسادي=يطب في بحر الزنا ما يبالي
والله ثمَ والله لو لا البهائم =والله ما شفنا سحاب ٍ ثقالي
خلونا نرجع يمَ ذاك الزماني=مدة سنين ٍٍصدق ياهي خَيالي
يوم ٍتشوف الناس فيهم محبه=ويسودهم رحمه وكثر السؤالي
هذاك يسأل عن عمامه وخاله=في وصلهم يبذل لهم كل غالي
وهذاك مع أمه سعى في رضاها=يحبها اول وحاضر وتالي
وأبوه يبذل له جميع التعاون=محزم على بطنه لراسه عقالي
وبينه وبين إخوان دايم تواصل=يازين بين إخوان طعم الوصالي
وهذا لقيله واضح ٍفي كلامه=ومطهره بالصدق مآبه خمالي
وهذا له القرآن دايم يرتل=يخشع ودمعه فوق خديه سالي
ويقوم في ليله يصلي لربه=يرجي فضل ربه عزيز الجلالي
شالو ظلام الحسد عنهم دوامي=خلو التعاطف بينهم طعم حالي
لا قالوا جانا الوسم شفت السحابي=يبرق سحابه فوق ذيك الجبالي
ترعد وينزل خيرها بالفياضي=يفرح كبارالقوم ويضى العيالي
واليوم ندعوا مالقينا استجابة=بسباب ذاكرها بأول مقالي
الأرض هذي الأرض ماهي تغير=مير البلا من ناس فيها هبالي