يوم هز الشوق قلبك ليه ياقلبي مأجيك=وانت احس إنك دروبي وين ماسج الرجل
احسب من الآن ساعه بإذن من لا له شريك=وافتح بقلبك لقلبي غرفة إنعاش وسجل
لجل قلبي يوم جاك من الوله بيموت فيك=لاتقول إنه لجل وإلا تقول إنه لجل
الوكاد القلب جاك بحال مايخفى عليك=واحتضر داخل ضلوعك لين وافاه الأجل
المشاعر تنتخي بي قبل لا أدق السويك=نخوة اللي شاف موته للشجاع المرتجل
وجيت لك مسرع وطايش تقل منقذ لي دريك=مدري من جنون حبك وإلا أنا طبعي عجل
وفرحت كل المشاعر لحظة إني ملتقيك=ورددت في صوت واحد والله ونعم الرجل
جيت لك واقبلت تمشي في هدو مثل المليك=لا لا وش مشي المليك إلا مثل مشي الحجل
صار شغلك من حياك تطقطق أصابع يديك=والعيون أحس فيها ثورة أشواق وخجل
وإلا أنا ضعت بجمالك من قدمك لوجنتيك=عود وخدود وشفاه ورمش وعيونٍ نجل
والنهود اللي تغـار إن جيـت اناظر شفتيـك= شكلهـا مـثـل الطـمـاط ولونـهـا مـثـل الفـجـل
انعم من القطن وألطف من مشاعر والديك=واللي مزود حلاها توها صغار وهجل
وإن رجعت لمقلتيك الله مأجمل مقلتيك=جل شان اللي مصورها بهذا الشكل جل
والرموش اللي تقول رماح تطعن من يبيك=كنت احسب إني شجاع وصابني منها وجل
تستحق الشعر مني فيك لأرشلته إليك=حر وهجيني ومسحوب وإسناد وزجل