بسمِك اللهم يا واحـد صمـد= غافر الزلات لي عبـدن فقيـر
ابتدي صوغ الشعر لجل الفهد=لا لفاه الظيق من جاهل صغير
ضيع العربان يوم انـه عَنَـد=طبه الوسواس شيطان المرير
فالخساره نِتْجها شيبه وولـد=والثقل في الحالتين اكبر كثير
لاهِبه بالقلب شرخ ٍ مـا بـرد=كيف جِدّه والولد حرق السعير
يااسحيمان الموت مبلانا رصد=كل طيبن نعرفه فيكـم قديـر
كيف كنا من قبل اهل ومجـد=دمّنا بالجـد واحـد لا فريـر
من ثلاث سنين خادم مجتهـد=لجل عاصي وِلْدكم كان الامير
ما تِونّا في رعاهـا او صـدد=كل يومن للصلا قالـت بشيـر
حتى إن الكل يشهد ما شهـد=كم يراعيها بْحنان الله بصيـر
يا بْن عمّي يالسند يا بْن السّند=ما أذكرك طيب اجدودك عمير
يارفيجي قـدّر الله بـه وعـد=ما لصالح حد نبقى في هجيـر
يا أبوسحيمان فكر فـي مـرد=لا تِسمع قول عـذال الضميـر
اللي بيني وبينك الله ما يهـد=دعوة العابد ليال مْن السهيـر
واللي يغفر زلة ٍ ما ابها عمد =يلقى ربّه غافر الذنب الكبير
وان بغيت الصيت شيخ ٍ لك مجد =بين عربان الوجاهه لك صوير
تصبغك اشعار بيضه للولد =من ثقال القوم باوراق الحرير
فالصّلح خيّر كنفحات الورد=وختم المكتوب مع هدي العبير
والصلا عالزين احمد له حمد =سيّد الاقوام سيره في مسير
الشاعر عمر ال شيبي / الاردن
اقتباس:
|
المشاركة الأصلية كتبت بواسطة الطامي
بسم الله المعبود رب السماوات = الواحد اللي له عبيده يلبون
واثني بصلاتي والثنى والتحيات = للي بعث للخلق والكل يدرون
من بعد ماجاني الخبر بالشفوعات = نشفع بقول وفعل للي يريدون
قالو ورع ولاكمل للمهمات = عمرة عشر مع ست للي يعدون
هذا نصيبه اوقعه بالملمات = طيشة غضب من جاهل صابه جنون
مقدر والأجال تقدير وقفات = ياتي السبب والرب كاتبه بلعون
قالو قديماً بالمثايل بقالات = مقرود يبلا بمن وقف عمره وهون
والدم فيهم مختلط ماهم عِدات = جده وابن واقراب واحفاد هاللون
جات المصيبه بينهم لامسرات = واهم رجالٍ تنطح الضد لاتهون
بندق وثارت بالخبا بينهم جات = حاجب وعين ولبعضهم يسدون
خوال بعض ابنا عموم وعشيرات = اصابع بالكف خمسه يطبقون
تخضع لهم جموع حضر وبداوات = وافعالهم يشهد بها كل متكون
لاصار ماهو عمد مابه مضرات = والوجه سالم مابه اللي يعيرون
سلمان مع سحمان اخوان بالذات = عشيرة وحده الا ماتشوفون
النار توقد والخبر ياملا فات = والشر قصره خير وبليس ملعون
لاتفروحون اللي بكم دوم شمّات = يوقد حطبها والشياطين يمشون
الناس تعطي رقاب من دون جاهات = لاصار راعي المشكله من هل الدون
ياكيف من يمشي لكم بالوجاهات = وهو لكم مثل الخشم تحت لعيون
تكفون يارجال الفخر والمروات = تكفون يالسحيمان كنكم سمعتون
رقابنا تخضع لكم بالعطوّات = واوجيهنا تعطى لكم كيف تبقون
لاتفرحون بنا العدو بالمصيبات = ولاتشمتون بنا والاعداء يقولون
بالسان السليمان قلته بعد جات = منهم بطلبه لي معونه ولاتهون
قلته وانا المري واقدم وجاهات = معهم لكم واقول تكفون تكفون
|
الشاعر منصور المري / من قطر
الدم ياهل الدم مالي عروقي=وانامع اللي ساح دمه مذابيح
هو راح لله والحزن شق موقي=حزنن خنقني ما اقدر اقوم واطيح
ان قمت جال الغار واقعد حروقي=امي وذنبي ويش اباكن وابيح
آجرجرالونات من زود عوقي=واصفق بكفي من عنا القلب واصيح
يالابتي ياعزوتي يافروقي=يازكى الرجال من الرجال الطحاطيح
لو يزبن المضيوم عالي الطروقي=مازبننه مبعدات المساريح
ولو البجر لا من زبنته يروقي=يسمع لشكوى مضهد القلب ويريح
لازيد جمه من دموعي واسوقي=كل البواخر فوق ظهره تلاويح
مير البلا همي بقلبي وعوقي=داي برداي ولابتي عني تشيح
ياكيف ابنصا غيركم ياعموقي=ياصلي وفصلي ياذرايه عن الريح
من يمكم سقت الركايب فروقي=جاهه توجه للوجيه المفاليح
لعل ابوتكم ترطب سبوقي=يلين قيدن اعطب الرجل بالقيح
الشاعر سعد الحسن / من السعوديه
يالله يامنزل الرحمه وراعيها=ياواهب الملك والحكمه بتدبيرك
يامن على البحر بك تجري سواعيها=والكون ملكك وخاضع تحت تقديرك
ياعدل يامنعم البل في مراعيها=يارازق الطير والحيتان من خيرك
يامادح الصابرين وطاب داعيها =شرفت من يصفح ويعفو بتوقيرك
الحي ابقى من الميت لناعيها=حكم القدر مايخالف يوم تسييرك
اخوان يوسف لنا عبره لواعيها=يومه عفى ساعة القدره بتسخيرك
يارب سخر لنا سحيمان واعيها=يصفح ويعفو ومنك اجره وتجبيرك
نسعى ورى الصلح والحالات واعيها=والطائش الى قتل جاهل لتبريرك
لو كان عاقل لقلنا عنك اواعيها =والنفس بالنفس حق وفيه تقريرك
لكن قتل الخطاء في الدين ساعيها=معذور وابليس يغوي والله يجيرك
جاني خبر من عمر وابليت اراعيها=حاله من الحزن قال ارد على بيرك
على سليمان نلفي من دواعيها = حكيم ربعه ومنه العفو تنويرك
العفو تاج الكرام وبه مداعيها=من صفح الاحنف بقى ذكره وتخييرك
اما عفيتم وبايديكم شراعيها=والا طلبتو الحقوق وحسب تنضيرك
لاتقطفون الزواهر من براعيها=جودو عليهم ودام الجود تعبيرك
الشاعر فلاح بن منشار /السعوديه