ياصاحبي المحتاج شوف العصافير=فالجو تطرد رزقها وقت الابلاج
ياصاحبي لاتشتكي يضحك الغير=واصبر على دنياك في كل منهاج
ياصاحبي ماقلت والسر في بير=هذي ملفاته بعد وسط الادراج
مابالعرب شيمه ولا فالعجم خير=لاصار بك فاقه وللعون محتاج
هذي حقيقه واوردت بالتفاسير=في قرننا الخامس عشر تم الادراج
لاصار بك فاقه فلا تشكي الضير=الا لرب البيت واطلبه الافراج
الواحد الي يرزق الحوت والطير=اللي رفع سمك السما ذات الابراج
لاتطلب المخلوق وتصير به حير=اقل ماعنده يسبب لك احراج
ان ساعدك علّم بها دون تبرير= وان مانوى سوى حوالينه سياج
يحلف وهو كاذب وينسج معاذير=انه فقير ومصنعه مابه انتاج
ياعل مثله عقبها في دحادير= أمنت دعواته وانا اعرفه مهراج
والحق راح المال بايدي الدنابير=عبّادة الدينار والوقت منعاج
ياصاحبي في الوقت هذي التقارير=لاصار بك فاقه وللعون محتاج