فارس القوافي
عاش من شافك عسى عمرك مديد= ياحبيب الشعب ياشيخ العنوز
انت لابس بشت وبثوب ن جديد = وغيركم ياشيخ لابس له جنوز
عمر ال شيبي
خلّ عنّك مرحبابك جاك عيد = كل واحد يلبس اللي به معوز
دام يستر نفسه الليْ بْها يريد = رحم قلبه من عوايدها الرموز
فارس القوافي
ياعمر وش بك على الشرهه تزيد = لاتسابق موتر ن يسبق بنوز
اللباس الستر ما عنه تحيد = مير عادات العرب فيها نفوز
عمر ال شيبي
اي نعم ياصاحبي قلت المفيد = مير ما جت من سوالمنا المحوز
الفرح بالعيد يحتاج المزيد = من رفع لله يده له يروز
فارس القوافي
شفت ناس ن مثل مسعود وفريد = لابسين الجنز طايح وسط هوز
يعرضون اشياء ماترضي المجيد = ويلهم من ربنا وقت الهزوز
عمر ال شيبي
يا حسافه علمنا بنار الوقيد = لو دروبه كان ما يرضوا ويجوز
لو لقوا حدن بيضرب من حديد = يشربون المر بالحسره وكوز
فارس القوافي
شقلبوا الموضه وناسين النشيد = قلدوا ياصاحبي توم وكروز
غزو فكري لو درا عنه البليد = كان شمر ساعده واصبح فزوز
عمر ال شيبي
هذي من علم التحضر يالعميد = والشره يا خوك ما عنه خزوز
الغرب ياخذ تفاصيل السميد = حنّا ناخذ منهم العاطل فروز