السلام عليكم ورحمة الله وبركاتة
أخترت لكم إحـدى قصائدي المحببة لي
وأبتدي بها هنا معكم واتمنى انها تحوز على ذائقتكم الشعرية
يالله تهديني قبل وقت الوداع =وتغفرلي ذنوبي وترحم والدي
عملت فالدنيا بقدر المستطاع=وأنا أدري أن ذنوبي تغطي علي
رحمتك تاسع كل شين فالبقاع=وأنا أعتبرني يا الهي أي شي
جريت فالدنيا مثل جري السباع=والعمر ضاع أكثره في لعبن وغي
أبليس فصلي من ثياب الضياع =ولبسني اثيابه وزينها علي
أغواني وصار الموجه والمطاع=وأرسل شياطينه وحولهم الي
أسوف التوبه وأقول الوقت ساع=ولا أدري أكمل مساء ذا اليوم حي
الموت بغته والقبر باعن وباع =والدرب كايد والبلا زادي اشوي
وياخوفي أودع ولا معيه متاع=غير الذنوب اللي على ظهري وايدي
أخاف يومن من هو بسن الرضاع =يشيب راسه والعمل فالصحف طي
يالله تهديني قبل وقت الوداع =وتغفر لي اذنوبي وترحم والدي
وسـلامتكم ،،
-------
ولا نستغني عن إنتقادكم ،، وأي قصيدة أضعها في اي منتدى فهي محل النقد ،،
بقلمي ،، أخوكم الكـايـد