[نفحة الطيب]

المشاركة الأصلية كتبت بواسطة سمّار

رقّ قلبي لدمع الفاتن اللعّابه...=...والله اني حنون ولا بها حنيّه
رقّ قلبي ولو هو موصدات ابوابه...=...غير لاتحسب اني في الهوى لي نيّه
علموا الترف ما ني من قريب اصحابه...=...كان موقف وعاملته بالانسانيه
لو سكب من دموعه لي يبلّ ترابه...=...ما به الا ادعي الله له وللي زيّه
قد سكن خافقي اللي كان دوم اولى به...=...لي ملأ القلب سنتيه على مليّه
يالبى الدمعه اللي عالقه باهدابه...=...ودّها ما تفارق عينه الدريّه
قلت له خلّها عندي لها طلاّبه...=...كل قطره بدمي تعشق اللوليّه
وقام يضحك ودمعات الفرح منسابه...=...يا لبى ضحكته وشفاته الورديّه
قال قلبك حنون ونَعْنَشَتْني اطيابه...=...كلّ ما اشمّ عطرك قلت يا ويليّه
ذاك حُبّه غدى فعلا لقلبي لابه...=...هو ذرأ القلب لا زادت عليه الغيّه
شام بالنفس عن هالعالم النصّابه...=...يسعده ربنا في روحته والجيّه
لو بغى اللعب فرفرهم على السبّابه...=...وانْ كوى غير ينضِج في عداه الكيّه

صح لسانك واعتلى شانك
نص يجبرني على العوده بدل المرة مراااات
حفظك الرحمن من كل سوء