[جهاد الشعلان]

السلام عليكم ورحمة الله وبركاته

قصيّده متواضعه للتواصل ،،، اتمنى ان تحوز على رضاكم








ياويل حالي يوم فارقت الظبي
كنّه على جمر الغظى قلبي يحاف
...
اون ونة شايبٍ جاه (ا)حلبي
ناش العظم والدم في دربه يشاف
...
مافي يده ياكود باقي المزهبي
والذيب قدمه والعدا جو من خلاف
...
ومما دهى الشايب غدى حيله حبي
وافصول عمره بادرً بالانصراف
...
من جادلٍ هي شف قلبي واطلبي
رمز السناعه والشهامه والعفاف
...
من ماكرٍ للطيب والجد قصبي
ياحيّ ابوها صابني منها خفاف
...
هي راس مالي فالحياة ومكسبي
وهي ماردٍ للقلب لاصابه جفاف
...
فدوة لها قلبي.. وعيني.. وشنبي
وان كان تبغى زود .. تطلب لاتخاف
...
من دونها والله حياتي تصعبي
لكن رداة الحظ .. وين القى مناف
...
في مامضى بروض المواصل نلعبي
واليوم في جرهد قطيعه وانّكاف
...
تسبيني الذكرى من الحاظر سبي
لابانت انجوم المساء والنور طاف
...
واذكر زمانٍ بالوصال امذهبي
يوم الملاقى عند هاذيك الظفاف
...
واكتب شواهد قصتي وسط اكتبي
واخفّي اسمانا سوى تحت الغلاف





(جهاد بن عبدالعزيز الشعلان)