[نفحة الطيب]

المشاركة الأصلية كتبت بواسطة سعيد عوده الحويطي

اخواني اعضاء المنتدى ارجوا ان تحوز هذه القصيدة على رضاكم

الله يا مكثر مجالس هل الحش=اللي مجالسهم نميمه وحشا
ويبدى بها واحد كلامه يجي طش=من تايها دايم كلامه يطشا
من خلقته دايم يلش الخبر لش=ويا سرع مايوزع كلاما يلشا
ماهمه التزوير والكذب والغش=لنه لقى مجلس لغيضه يفشا
لا تسأل عن اللي بعدها حصل وش=مايسلم الرجال ياكود وشا
كل يورد مخلبه فيه ينهش=مثل الضواري من فريسه تعشا
كم واحد غافل عيوبه تفتش=وياسرعها بين الخلايق تفشا
ويركض بها اللي للفضايح يحوش=ثرثار للي يسمعه ما يخشا
وابليس واقف بالوساويس ويوش=كلما هدى واحد يجيه ويوشا
وتسري الاشاعة سرية النار بالقش=والى هدت زود على النار قشا
وبعض العرب لونه سمع ظلم طنش=يجامل مع النمام لو كان غشا
متمسك بقول المثل يا ولد مش=لا فاتك الموضوع عده ومشا
مالك ومال الناس فيها تبلش=خله على كيفه كلامه يدشا

روعه وجميل ماكتبت
ابداع واصل السماء
صح لسانك واعتلى شانك
وحفظك الرحمن من كل سووووء