[طلال العازمي]

السلام عليكم ورحمة الله وبركاته

ألا يا وليفٍ بالمواعيد ولّعني = وخلّيتني من سبّة اطبوعك إلعوبه
خيالٍ تمنّيته ورجواه شجّعني = وانا خابرٍ من مبطي الحب مو صوبه
عطيتك من القلب المحبّه وطاوعني = وتاب ايتعنّالك ولا فادت التوبه
ولا سرت في بحر الهوى قبل تجرعني = وقلبي قبل يلقاك ما يعرف ادروبه
ملكت الغلا وأصبحت للغير مانعني = وصارت كتايبنا من العقل مغلوبه
غديت اقنع القلب ابخيانتك واقنعني = وشنهو علاج القلب لا صرت مطلوبه
شريتك عشيرٍ غاليٍ وانت بايعني = وتبخل علي والقلب شوفتك مرغوبه
أناديك يا بحر الهوى وأنت تسمعني = ولا أدري سبب حقرانك الشين واسلوبه
غدير الجفا يازين لاتشربه طعني = كفا صدّتك واحبالي اليوم منكوبه
حبيبي ترى لا قلتلي روح ودّعني = تورّدني الشرهه على الموت وادروبه
ابنشدك يا روحي تغلّيك وش يعني = ترى مسكنك في خافقي وانت محبوبه
ابصبر وخابرك ابتجيني تراجعني = تقول السموحه من جفاك اعلن التوبه