بسم الله الرحمن الرحيم
أسعد الله جميع أوقاتكم بكل حب ومسرات
( دكتور عالجني )
دكتور عالجني ولا لك بالأسباب = خل السبب بالقلب مالك وماله
عطني مسكن طبت والخلق ماطاب = وبعطيك نبض القلب حسه وحاله
أحس وسط القلب برياح وأبواب = تصفق بوسط القلب كنها حلاله
وأحس كل الحب من داخلي ذاب = والحب غاب الحب قفى بحاله
وأحس بنات الخلق مثلي بالأشناب = أخذن عقال الرجل وأخذن مجاله
والرجل خصر كل جسمه بالأثواب = وربى شعوره لين طّيح عقاله
والشيخ قام الشيخ يصفق بالأكواب = وأصبح بلا تركيز غايب وداله
وبعض البشر يسلم ويكفر ولا تاب = ولا ينردع لوجبت عمه وخاله
والمثل يم المثل مغرم وحباب = وحبآ على هالشكل محدآ يساله
عاداتنا والناس والناس بغياب = والقلب منهم كم تصفق وجاله
ماقول غير الله يعجل بالأعجاب = والمعتدي بالشر ربي يطاله
حنا على الفطره على الدين وأقراب = ومن شذ يعطينا جواب وسؤاله
بالشر غاب الخير والخير بسباب = يرجع بعد ماغاب يزهى دلاله