[داعي الشوق]

يا غيمة الحزن ياللي في سماي تحوم = همّـال وبـلك على روحي مغرقها
كل ما لبست الامل و الامنيات هدوم = هبت هبايب عواصيفك تشققها
و كل ما هقيت البشاير تحتريني يوم = في معضلات العنا روحي تعلقها
ايام عمري قضت بين العتب واللوم = و ما بين عين اشتكت دمعٍ يحرقها
نبرة سكوتي صداها يستثير هموم = دايم تجادل على روحي و تقلقها
يا حيرة المشتكى من حظه المقسوم = لا بات هاني ولا احلامه محققها
و يا قلبي اللي بناره صابر محروم = لوعة زمانه من ايامه تذوقها
والله ما لي لعسرات الليال لزوم = لكن حالي عسى ربي يوفقها
على جراح الزمن من واقعي مصدوم = الله يعين الذي روحه موهقها