ياوجودي ياهل العرف وين القى الطبيب= باخصٍ عوق الضماير ويطفـي شبهـا
بالتخصص والشهاده دوا الجرح العطيب= دخترٍ يعرف جروحـي خبيـر بطبهـا
والله ان قدلي سنين بعد فرقا يالحبيب= من نشدني قلت ياقوم مانا احبها
والعرب يدرون حب الحبايب مايغيب= لو كذبت دموع عيني عليه اصبها
من غلاها كل ماصح جوالي اجيب = احسبه منها او انه شبك في ببها
اتمنى مثل ماقيل لو قربه صعيب = الوصل حامض علينا بعيد عنبها
باتصبر جعل ربي يفرجها قريب= في لقا روح المحبين يطرَب نبها
الله اكبركيف الايام سوتني غريب = والله اكبر كيف الاحباب تنسى حبها
والله لولاالميزلاجيه لو دونه حسيب= خايفٍ من ساعة افراح مانسى غبها
والنوايا لها مناهيج مع درب مهيب= وانااحسب حساب نفسٍ بلقيا ربها