اخواني اعضاء منتدى الفطاحلة اقدم لكم هذه القصيدة بعنوان( للشعر مهنى ) ارجوا ان تحوز على رضاكم .
الشعر له معنى وحكمه وميزان=والشعر ميزانه حروف وقوافي
هو موهبه وشعور في داخل انسان=ماهو بتعليم ولا باحترافي
والشعر له ابحور واغراض والحان=والجهل فيهن للقصيدة ينافي
و الشعر هو ديوان العرب عبر الازمان=فيه الادب والعلم وارث ثقافي
ومن كبر قدر الشعر سموه ديوان=وسجل لنا التاريخ والعلم وافي
والشعر في كل الحضارات له شان=مهما حصل بين الشعوب اختلافي
ومن عصرنا الماضي الى عصرنا الان=والشعر بين الناس سبق صحافي
من عصر عنتر وابو سلمى وحسان=واللي بعدهم ينظمون القوافي
كل كتب الشعر بحكمة وتبيان=وشربوا قراح الشعر من نبع صافي
من نبع لسان الصاد موثق بقران=لسان فصيح بلا عوج وانحرافي
والشعر هو تعبير من قلب ولسان=يعبر به الانسان عن شي خافي
وشعرا بلا معنى ولا وزن واتقان=ما ينحسب شعر ولا هو كافي
عبرت عن رايي ولاني بندمان=ويا مرحبا باللي له رايا خلافي