[الطائر المهاجر]

هذا ما وجدته في قوقل:

هذي قصيده محمد العضياانى

على ميعادها جـات الهنـوف يسوقهـا الشيطـان
تبختر تسحـب اخطاهـا دلـع ؛ وتقـول تعبانـه
.
عرفته قبل ما اشوفه فضحها المسـك والريحـان
يسابقها الهـواء يمـي شـذي مسكـه وريحانـه
.
عليهـا الله وامـان الله ؛ وبسـم الله الرحـمـن
تشهـدت وذكــرت الله تعـالـى الله سبحـانـه
.
يمين الله ماخلقـت مثـل باقـي البشـر والجـان
ياربي الطف بحالـي .. حشـا ماهيـب انسانـه
.
رفيف البرق فـي كفـه تـلألآ والمطـر هتـان
مثل غيث السحاب اللـي يغيـث الارض هتانـه
.
عطاه الله من اعجـازه مايخفـى عـن الاعيـان
ولم يهرج به العاقل 00 ولـم تسمـع بـه اذانـه
.
بها حتى سحر هـاروت مايخطـر ببـال انسـان
بها سر الجمال اللي فرق يوسـف عـن اخوانـه
.
خلقها الله وصورها ؛ بأمره كـاف نـون وكـان
بهـا سـر الآلوهيـه ؛ تعالـى الله فـي شانـه
.
زكاته من اصل زينه لو تـوزع علـى العربـان
لـو تقسـم علـى العالـم خـرج مليـون فتانـه
.
اجل يوم اقبلت تمشـي ولونـي انخطـف الـوان
بها الموت الحمر كلـه وكـل المـوت والوانـه
.
زهور كلهـا تمشـي وانـا قلبـي لهـا بستـان
هي الماسه00 هي الجوهر00 هي اللولو ومرجانه
.
ليان وعودها ليـن 00 تمخطـر ياغصيـن البـان
يداعبها الهواء بكفيه يابخـت المـوز واغصانـه
.
ياويلي طاحت الطرحه علـى متنـه وخـده بـان
تبسم ثم سجـد رمشـه واشـوف العيـن ذبلانـه
.
واشوف الليل يوم انـه تحـدر يكسـي الامتـان
يداعب عنقها المنتـوق 00 يتهمـل علـى امتانـه
.
لمحت السيف والسله بوجهـه يحـرس الاوجـان
على هاك الشفـاه اللـي سناهـا جمـرة لسانـه
.
اخذت اتأمـل بعينـه شعـور العاشـق الولهـان
اغازل عينه النجلاء 00وهـي بالحيـل خجلانـه
.
لفظت اشواقـي بكفـي ومـدت كفهـا الوجـلان
كفوف(ن) ترتعش عطشا مـن الحرمـان ظميانـه
.
شكانـي الوقـت لكنـه تفجـر داخلـي بركـان
وقمت ابغـى اعانقهـا واظمـه وامسـك عنانـه
.
وقفنـا والحيـاء يعلـن بعينـه حالـة العصيـان
ومسكت انفاسي بصدري حيـاء والله مـن شانـه
.
يافرحه بس ماتمـت..!! يابسمـه مالهـا عنـوان
ابوس ايده من اللهفه..!! وانا المشتاق لأحضانـه