كنت أحطك في عيوني تسرحين وتمرحين = كنت اشيل هموم قلبك وارمي همومي وراي
كنت اطير من السعاده يوم اشوفك تضحكين = كنت ذايب في هواكي مثل سكر وسط ماي
كنت طامح في وصالك وارسم من الفرحه سنين = كنت اظنك قلب عاشق ماسكن وسطه سواي
ما وعيت الا وأنتي في خفوقي تطعنين = ما وعيت الا وسيفك في الحشا رايح وجاي
يمكن اني ماعرفتك في الحقيقه وش تبين = ويمكن اني خنت نفسي يوم اعطيتك وفاي
ويمكن اصلا ما عشقتي بس كنتي تلعبين = ويمكن انك ما وصلتي في هواك لمستواي
أدري إن حنا إفترقنا بس أبفهم حاجتين = علميني وش كسبتي ؟ وعلميني وش خطاي
أصلا الموضوع كله ما تعدى كلمتين = التقينا عند ( أحبك ) وإفترقنا عند ( باي)