خل روسيا والصين يعطونك اخطار
مادام شدوا عنك فوق المطايا
ماباقي الا انت ونظام منهار
يحصد ويجني مازرع من خطايا
لما متى بتحاربوا النار بالنار
والامس كنتوا تحاربون الضحايا
واليوم شبت نار بعزوم ثوار
من فعلكم يا واطيين النوايا
عار(ن) اذا تطفى على نفوسهم عار
والموت واحد والمنايا منايا
نفس تذوق الموت والجنه الدار
ونفس تذوقه والسعير العطايا
احرار ان ماتوا وان عاشوا احرار
والحر يبقى حر رغم الرزايا
فكوا نظامك شققوا حلف بتار
وتشققوا عنك سرايا سرايا
واليوم مالك غير موعد واخطار
ياتون بك لو كنت ضمن البقايا