يازين ياللى مشيتك بالهون
وقف دخيل الله وكلمني
كلمه نبي والناس مايدرون
بيني وبينك لا تعذبني
قلبي بحبك ياحلو مفتون
واللى توده الزين يعجبني
يابو حجاج بالخطر مقرون
والخد الى شفته يكهربني
كتف وردفٍ ومبسمٍ وعيون
والرموشها ياناس صابتني
يا لايمي بصاحبي مجنون
ماني بأنا جاهل تعلمني
خل الجنوبي يتابع القانون
قبلك طريق الحب لوعني
للشاعر محمد بن سعد الجنوبي وغناها فهد بن سعيد رحمة اللـه