[عادل بوبدر]

وراءها قصة هذه المحاولة الشعرية

بسم الله أبدأ

الشاعر اللي عارف ٍ وش مرامه=غنى على " آمه " وغنى على " اون"
رحبت به و اعداد وبل الغمامه=و اعداد من حجوا لمكه يلبـّـون
ترحيبة ٍ بأهل الشرف والكرامه=اللي على سلم المواجيب يمشون
خالد يذكـّــرني ولا ادري علامه ؟=بأيام ناسي عهدها قبل ينسون
طرد الهوى خالف نظامي نظامه=من يوم شفت الوضع من دون في دون
ما دام ليلى مثل زرقا اليمامه=ما ألوم ابو نـواس في مدح هارون
ما عاد تطربني لحون الحمامه=لو هي تغنيها مقامات و لحون
درب المحبه صار صعب إنسجامه=ما عاد له منهج ولا فيه قانون
عفت الهوى لو صوبـتـني سهامه=و كفيت نفسي من أماني و مأمون
خل الغريم يعيش لذة غرامه=وانا على فرش الكرامه و مصيون
واليوم نبغي العافيه والسلامه=واهل العذل ما همني لو يعذلون
يا خوك دنيانا عجاج و عسامه=والعارفين بحكمها ما يعرفون
كثر الدجل والرجل فعله كلامه=ومن النفاق بذنبهم ما يحسبون
زاد الجهل و أزداد باس و ضرامه=لو صحت بأعلى الصوت ما عاد يوحون
هذي علامات الحشر والقيامه=والله يجير اللي من الوضع محزون

::
::
والله يجير اللي من الوضع محزون
::
::
والله يجير اللي من الوضع محزون

قلم عادل بوبدر