تعالي واسمعي بين الحنايا كيف جرحك ذاب=على جرح(ن) معي تنبض هواجيسه على بابك
تحريتك وطيفك يحترق بي عن لقأك وغاب = يدور في غيابك شي عوضني عن غيابك
لقاني فيك وسوست الغرام بحبك اللي تاب = وخليته يجود بدمعته في غمزت اهدابك
رسمتك داخلي طفل(ن) يدينه من شقاه اتراب = وضميته على صدر العذاب اللي تغنابك
احبك اسعفيني من غرامك طحت انا منصاب = وضميني على حزن(ن) نزف جرحه من اسبابك
اموت بشوفتك واحياء على ضحكه بدون اسباب = واشوف ان الدلع يحق لك من قبل يزهابك
تعالي لاتخليني مع احزاني غلاف كتاب = يموت بداخله حرف القصيد اللي تعزوابك