بلغ الدكتور باللي كان جاري=علمه بالضبط ويش اللي جرا
قله ان المرشدي صار انتحاري=في هوى اللي صد قلبه مادرا
ياقصيدي علمه وش كان طاري =خل قيفانه توضح ماطرا
قل لبو عبدالله ان الذيب ساري=بس ليته في مكانه ماسرا
خابر الدكتور بالحب استشاري=له بشرع الحب هيئه وخبرا
اشتكي من جور خلٍ مايداري=صاب قلبي ثم تحكم وافترا
حبه بقلبي مبني له حواري=خصها لاصغر جروحه تجرا
مخلصٍ لي بالهوى ماحب غاري=مادخل في سوق من باع وشرا
ماطلع مثله بلباس الخزاري=ماله مع البيض بالزين خشرا
كن خصره من قليل الحال عاري=فوق ردفن ماشكى فقر وعرا
بداية قصيده موجهه لبو عبدالله (ملاحظه ابو عبدالله لاترد لين تكمل القصيده)