[الطامي]

لك الله ياوقتٍ غرقنا وحن صاحين = عيونٍ تشوف وقلب يحتاج له صُفره
وانا من تجاريبي مع سنيني الستين = درست ولازلت اتعلَم الى بكره
ترى خوة الطيب تساوي كنوزالصين = اذا صار معها دينِ تِمِنَك من جمره
والا رفقة الرديان سلعة سوق بريالين = دانة الدنو كسره ولا ينفعك جبره
طموح النفوس يعانق العولمه بثنين = غناة من الرديـان ومرافـقة نكـره
نصارع زمانٍ دوم يبلش به الفطِين = بنهاره وليله كنه يفك له شفره
زمانٍ يشيب بالمواليد والسالين = يخلي الفهيم يتوه كنه مع سكره
هناته تجيلك ساع ثم تنقلب بك وين = ياترميك في بره او ترميك في بحره
اذا اكتلت من جودة زمانك بمكيالين = توقع وشف خطوتك لاترميك بالحفره
تغانم قبوله واذخر لضده بقولين = على الله غناتك وان تعاسرت لاتكره
زمانك الا اقبل فانتبه بين حين وحين = على قد ماتعمل على قد ماتشره
ترى الفوز بالسمعه قبلها بفوز الدين = وترى الفوز الاكبر جنة العبد في قبره