ياقلب مالاق غير اقول مالعايدين= في ثالث العيد ونفوس البشر طيبه
للعيد فرحه وانا عنكم من الناشدين=ياللي من البعد والناس اللي قريبه
الله عن الناس يقضي من هبه كل دين=ويشفي المراضى ويصلح راعي الغي به
ياقلب لو جيت تفرح غمك الراشدين=وقالو الفرح غايب قلت من غيبه
قالو فتن قلت يحفضنا من الحاقدين=رب السماء والزمن راس الفتى شيبه
لو يفرح الشام والا مصر والرافدين=والقدس كان الفرح بالحق ماسيبه
ودعت شهر الصيام وجعلنا فايدين=يارب عبدك دعاك اليوم لاتخيبه
صمنا عسى الله يقبلنا مع الساجدين=ويغفر الذنب ونفوس البشر طيبه