[داعي الشوق]

-----------------------------

الوصف يستعصي علي وصف خلي= وشلون ابوصف من خذا الحسن وصفه
اللي على عرش الجمال متعلي = من دونه سيوف الولايه و خلفه
فيه اجتمع كل الحلا و التحلي = ما شفت في كل المزايين صنفه
كل الوصوف المبهره له تحلي = اقل ما ينقال بالوصف تحفه
هو مالك روحي وله مستحلي = و بداخل الاشجان كلن يعرفه
لامن هرج من هرجته ما تملي = من حلو ضحكاته و صوته و لطفه
يجلي الهموم و خاطرك يسفهلي = من شكله الجذاب و الحان عزفه
يا زهرة البستان من حدر ظلي = يرسل شذاه و حانت اوقات قطفه
فتحت له قلبي و صفحة سجلي = وعلي جدار القلب اسمه و حرفه
يانور عيني يابعد كل من لي = حالي عليك ازداد شوقه و لهفه
يا بلسم اللي له جروح تعلي = اللي دواها ما لقى فيه صرفه
يفداك من وده لريقه يبلي = لو مبسمك يكتب مصيره و حتفه

^^^^^^^^^^^^^
^^^^^^^^^