مرحبا ^__^
مساءكم سكر وعسل وعطر وزهر وكل شي ^__^ مبارك عليكم الحيا 
الله يجعلها امطار خير ورحمه
يـازيـن شـبـة الـضـو فــي وســط الـوجـار
اذا تــوقــد فــــي وسـطـهــا سمرهـا
ريـح السـمـر يجـمـع مــن الـنـاس الأخـيـار
فـــي لـيـلـةٍ ضـــوى علـيـهـم قـمـرهـا
سـوالـفٍ يـطـرب لـهــا صـغــار وكـبــار
وعــلــوم شيبانٍ تثقف عبرها
والــروض لاصــار بــه ورد وازهـــار
يـالـبـا قـــاعٍ امـتـلـت مـــن زهــرهــا
يــوم الـسـحاب يـمــر ويـهــل الأمـطــار
تسـقـي الـريـاض وتـرتـوي مـــن مـطـرهـا
ويـرتــاح راسٍ صـجـتـه كـثــر الأخـبــار
مـــن زود كـذبــه مـايـصــدق خـبـرهــا
احد قصايدي العام الماضي