مع المهادي محمد القحطاني
الأجـواد وأن قاربتهـم ماتملـهـم=والأنذال وأن قاربتها عفـت مابهـا
الأجواد وأن قالوا حديثً وفـوا بـه=والأنذال منطـوق الحاكيـا اكذابهـا
الأجواد مثل العد من وردة ارتـوى=والأنـذال لاتسقـى ولا ينسقابهـا
الأجواد تجعل نيلهـا دون عرضهـا=والأنذال تجعل نيلهـا فـي رقابهـا
الأجواد يطرد همهم طـول عزمهـم=والأنذال يصبح همها فـي رقابهـا
الأجـواد تشبـه قـارةٍ مطلحـبـة=ليا دارها البردان يلقى الذرى بهـا
الأجواد صندوقيـن مسـكٍ وعنبـر=ليا فتحـت ابوابهـا جـاك مابهـا
الأجواد مثل البدر في ليلـة الدجـى=والأنذال ظلماً تايـةٍ مـن سرابهـا
الأجواد مثل الدر في شامـخ الـذرا=والأنذال مثل الشـري مـرٍ مذاقهـا
الأجـواد وأن حايلتهـم ماتحايلـوا=والأنذال 0أدنـى حيـلٍ ثـم جابهـا
الأنذال لو غسلوا ايديهـم تنجسـت=نجاسة قلـوبٍ مايفيـد الـدوا بهـا
لعـل نفـسٍ مـا للاجـواد عنـدهـا=وقار عسى ما تهتنـي فـي شبابهـا
ترى الدار كالعذرا اليـا صـار مالهـا=فحل غيورٍ كل مـن جـاء زنـا بهـا