هلا باللي ألين أقبل توسّع طلّته صدري
أحس اني معاه بخير وأنسى العالم بأسره
يطمّـنّي..يسلّـيني..ويشكي لي وهو يدري
لو بيطلب ضيا عيني أنا كلّـي فدا عمره
هلا عمري..
لوان الأمر بيديني لأهديته أنا عمري
ولأجمع له فرح هالكون حب وأعياد ومسرّه
ولااطري هاجس الأحزان وأمنع عنها فكري
وأضيع بعالم أفكاره واعطّـر دربي بعطره
هلا عمري..
فديته أجمل الإحساس وأوّل بيت في شعري
هلا باللي اليا آمر أنا كلّي تحت أمره
يهوّن كل عذاب الوقت وكل ضيقه علي تطري
يعاونّـي ويطربني ويطفّي بخافقي جمره
هلا عمري..
ومهما صار في عمري
أببقى عايش بظلّه
ولا بنسى أبد ذكره