مابي أسمع أي شي
خذني بـروحك ولآ تعلم علّي
إملى أنفاسي رضا
قول كانت هي قضا
قولي ..إكذب ترى
جد محتاجه أضيع بهالمدى..!
وحدها إيدينك تلملم مابقى
لين أرسى وسط حضنك
وقتها يذوووب الجفا
وقتها تكفى فديتك
لاتذكرني بعمري
ودي أنسى من أنـا..!
ودي أشرق من حروف إسمك
وتسقيني الهنا..لين أروى
وأرجع أضيّع حروفي
تايه تعرف ظروفي
وترجع ترتب شفاهي
لين أدل النطق وأقلك هلا..!
وتسكت
وينبت بقلبي خوف ضايِقتك غلا..!
وإنت تقرأ هالملامح
طفت في وجهي وشفت
ألف حرف
حتى ريقي كان حرف
ماقريته كنت تسمع له
وهو يسلك طريق الروح خوف
لين تَتبسّم
وينهد بخفوقي الف آه
وأحضنك من قلب وتقلي هواه
)..إنت لــ قلبي هواه
)..إنت ظله إنت ماه
كيف لي أحيا بلاه..!
وأرجع أكرر حروفك
كني أراجع دروسك
ي َحبيبي
وتلفت وتقول هاااه ماسمعتك
وأهمس بَ إذنك ح ب ي ب ي
مابي أسمع أي شي
لاحقيقة طير طاير
ولا وَردْ يعشق نداه
خلنا نغفى شوي
ولا تصحيني لي منك صحيت من الخيال
ولفني بَردْ المحال
روح في دربك وخليني
ب أكمل بالحلم عشقي معك
يمكن أغفى لي عمر
وإن صحيت أقول كان كان فيني ولا يزال..!