ليش الجفا والصد والقلب يغليك=مدرى دلع ولاّ من اسباب دلك
ماتدرى انى ياغلا مغرم(ن) فيك=من يوم ماقد شفت وردك وفلك
مقدر على بعدك ولا اقدر تجافيك=يوم(ن) تروح يروح قلبى محلك
فحرص على قلب (ن)يودك وشاريك =مادمت لى خل (ن) وانا كنت خلك
واشتاق لك واشتاق للى حواليك=ياليتنى شمسك وبيتك وظلك
ماملتك عين(ن) تناظر مزاهيك=ولامل من قد شاف حسنك ودلك
وانا على جمر الغضا فى رجاويك=علك تجى فى يوم يازين علك
واسهر معك فى ليلة(ن) من لياليك=واسمر معك يازين بعضك وكلك
اسمك بدا بالميم يازين طاريك=غالى ورمش العين يازين شلك
لاتحسب انى ياغلا كنت ناسيك=اسأل عيونى بالحقيقه تقل لك
انى على عهد الوفاء دوم وافيك =وان خنت عهدى روح ربى يحلك