اللي من البارح خياله يجني=ساق المرح والشوق ومشاعره سوق
من طيبته والصدق ضني مكني=اليين قلبي ذاب من حرة الشوق
يافاتني ماحدن بهرجه حضني=الا انت بين الخلق ياراقي الذوق
مزحك وفنك وابتسامك لحني = لاشك انا مع خفة الروح مسروق
ياضبي جمر الشوق لاع وسكني=كني اسيرك بين الاكبال موثوق
انا هويتك لين مالقلب حني = ينبض وكنه بين الاضلاع مفروق
من ليلة البارح وهو ممتحني=يرجف كما رجف المكينه وبه توق
يتوق لمشاهدك ياللي فتني=ياترحمه والا غدى صب محروق
بين الضلوع العوج ليله يدني=كنه لجيش الحب ينفخ من البوق
لاوالله الا راح لحماك مني = وانا اخبره ملكي ولاقد هبط سوق
واليوم دامه جاك وارضاك عني=حافظ عليه ودار زهره عن البوق
والا فخله للجوى والتمني=لو صار من هجرك ورجواك مفلوق