السلام عليكم ورحمة الله وبركاته
بعد انقطاع طويل عن الساحة الشعرية وعن هذا المندى الشامخ والمدرسة الشعرية القوية وفطاحل الشعراء
اعود اليكم بهذه المتواضعة عسى ان تنال اعجابكم
الوقت لاحدك بحاجه مع الناس
اطلب عسى ربك يجنبك شرها
دور عريب الجد والخال والساس
لا كبرت حمولك بفزعه جبرها
يرجي من الله ف سجله بها اغراس
في جنة الفردوس يلقى أجرها
ومن همه الشهره يبْشّر بالأتعاس
واكسب من اشكاله لنفسك حذرها
وقت ٍ تغير بين ناصح وبلاس
واختلفت العربان واخفت وطرها
لاجاك فزع لك سريع ٍ بالأنفاس
ولا راح من عندك علومك نشرها
وجهين عنده والخفا فيه دساس
يلعب على ناس ٍ بخبثه اسرها
عسى حياته تمضي بخسر وأفلاس
ونفسه مع الحرمان تلقا قدرها