[ابو أنس]

حيّاك ياحايل جعل برّك السيل=جوّك نفاه وبك رجال كريمين
لقيت في حايل زحول(ن)حلاحيل=شيمتهم الفزعه للاقصى والادنين
لو جيت في بر(ن) خلا قفر ومحيل=تلقى الربيع بوجه ناس(ن) بشوشين
من طيب اهل حايل هل البن والهيل=ومن حبهم للطيب ومعانق الزين
ودك تونّى عندهم لو بتعطيل=تلقى النشامى واهل فزعه وذربين
انت استرح وابشر ولك زود تبجيل=ياحلو لهجتهم الى اندب تبي شين
عسى الروايح كل ما عدّت تميل=تهل ماها في رياض وبساتين
من رايح(ن) فـ العصر سحب وهماليل=والى ادلهم الليل فالضعف ضعفين
دافق رفوق(ن) وما يجي به بهاذيل=يملا الفياض ويبهج القلب والعين
تلقى به المرباع نبته تشاكيل=فيه النفل والروض فل(ن) ويسمين
وتلقي الحلال وتابعته المطافيل=ومن حولهم راعي يسوق البعارين
ومجالس(ن) فيها رجال(ن) مشاكيل=سن(ن) ضحوك بقولة ارحب مضرين
والنار مشبوبه عليها المعاميل=من كل صنف(ن) والمقهوي على الدين
سلام يادار(ن) بها الطيب ماكيل=هم يشربونه مع لبنهم صغيرين

سعد 9/1/1427هـ