[الشريف الشرّقي]

مانيب أنا وياك ياخوي عَجلي = أما كتبت اليوم بكتب بعد عام
بس الوكاد انك عزيزٍ وتَجلي = عماس عين اللي له أيام مانام
ليتك تشوف اللي نواظره نِجلي = والله ثم والله ياشيخ تنضام
يازين هرجه يوم مر وهرج لي = ألتغ فرى قلبي بلا رمح وحسام
قالت : (ثلام) وقلت : (ياويه) لجلي = هذا السلام اللي على دين الإسلام ؟ *
يامسهلا حييت لوكنت خَجلي = على السعة بعطيك كرتي والارقام
قالت : فمان الله ياثيخ ثَكلي = معك بجيب العيد والعيد قدام **

* ثلام = سلام ، ياويه = كلمة نسمعها من أبناء البادية أظنها للتعجب أو الاستنكار !
** ياثيخ ثكلي = ياشيخ شكلي .