السلام عليكم
من الارشيف 
والفضل لمحمد العيباني اللي خلاها تفطن علي
اتمنى ان تجد القبول
( ولحد يصدق محتواها تراها من باب الغشمره والمزح )
هذي وجهت لأحد الأصدقاء
دايم تعكر صفو يومي اذا جيـت=حتى اذا ماجيت عكـرت جـوي
حتى بغيابك كان سافرت وابطيت=اقول لامنـه حضـر وشيسـوي
والقى تليفوني اذا انـت دقيـت=حول رنينه صوت مزعج يـدوي
حتـى بفنجالـي اذا ماتقهويـت= لاني من الدله ولانـي متقهـوي
دايم بديوانـي تجـي ماتعشيـت = وتكبر بهالكرش والراس يخـوي
وان جيت اصلي كالشياطين نطيت = عند الاقامـه كالذنـوب متلـوي
حتى بمنامي لاغفيـت وتغطيـت = طلعتلي بالحلم خربـت صفـوي
مثل الحسد والعين والدين تميـت = أصبحت حيره مامعاها تـروي
(دكتور) ليتك قبل اعرفـك توفيـت =او قبل اعرفك كنت بالنار تهـوي
وكان الرد كالاتي
وقف علي هونك اشوفك تماديـت=والخط يلقا خـط والـود مطـوي
حكمتني بالقـاف ياليـت مديـت=انا اعترف هالقاف مزعج ويكوي
نفس الشعور اللي انا اخفيته ابديت=ماخابت الهقوات يومي متهقـوي
ماهو علي كيفك يجـي ماتمنيـت=غصبن عليك اجيك مهما تسـوي
افرح اغثك وان تضايقـت غنيـت=والقى بزعلك انوار ليلي تضـوي
اقعـد بديوانـك واناديـك للبيـت=وان قالو انك جيت اسرعت خطوي
دايم عشاك اللي تقولـه فتافيـت=خبز وجبن مايوم حطيت مشـوي
لوهي علي كيفي احرقك بكبريـت=وازيد في نارك حطب لين تـذوي
ماهمنـي حكيـك اذا ماتعافـيـت=القافله تمشي لـو الذيـب يعـوي
وسلامتكم
ولكم خالص التحيه