عهود لم تنقض((قصة))
السلام عليكم عهود لم تنقض هو عنوان قصتنا وترى عهود من العهد مب اسمي مالكم بالطويله القصة: ساميه فتاه جميله..عائلتها متوسطه ..تتكون من ساميه ((أصغر البنات)) وناديه وسامي(اكبرهم) وعلي وامجد((اصغر الاولاد يبلغ 7 سنوات)) ساميه تعيش قصة حب مع ولد جيرانهم محمد من ايام الطفوله ..كبروا وكبر حبهم معهم ..محمد وعد ساميه انه ماياخذ غيرها ..وساميه وعدته انها ماتاخذ غيره وماتعيش مع احد غيره. ساميه تخفي حبها لمحمد عن اهلها لأنهم متحفظين جدا وتخاف انهم مايفهمون حبها لمحمد ,ومحمد مراعاة لظروفها كان بعد يحتفظ بحبه لها في نفسه ,ومااحد يعرف بحبهم غيرهم. ومره من المريرات كانت ساميه وناديه يسولفون مع بعض ودخلوا بموضوع الحب ..وثنتينهم يحبون فناديه تحب ولد خالها عمر بس نفس الشيء ماقالت لأحد . ناديه :ساميه بقولك على شيء بس احلفي انك ماتقولين لأحد ساميه:وربي مااقول لأحد ناديه :أنا احب عمر ولد خالي ساميه تفكر في نفسها اقول لها اني احب محمد ولا لا بس اخاف تعلم اعرفها قربه مفتوحه ولا.. لا ماتوقع بتقول لأحد تخاف اعلم عليها بعد ((الثقه شبه معدومه بينهم)) : ندو وانا بعد احب ناديه:مين ؟؟!! ساميه :محمد ولد جيرانا ناديه :محمد ساميه :ايه ليش؟؟ ناديه:لا بس استغربت ماتوقعت يعني .. ساميه :بس ياويلك لو تقولين لأحد اتوطى ببطنك ناديه:وجع ..ماراح اقول لأحد ...ومرت الايام وتتلوها ايام ((اصبروا علي )).. وساميه وناديه ماعندهم سوالف غير الحب >>تقال ماصدقوا يفتحون الموضوع لبعض ومره جاء خالهم ابو عمر يزورهم وقت ماهو طالع من الدوام ..واستقبلته اخته ام سامي::الله حيك اخوي تفضل ابو عمر:هلا وخيتي ..كيفكم اخباركم ام سامي: بخير جعلك بخير ..وانتم كيفكم وين الاهل؟؟ ابو عمر:الحمدلله ووالله انا كنت طالع من الدوام قلت خل امركم ام سامي :الله حيه..ياعيال يابنتا (تنادي اولادها) تعالوا سلموا على خالكم ابو عمر وسلموا على خالهم ابو عمر :وين ابو سامي ؟؟ ام سامي ::والله مسافر وبكره يجي ان شاء الله وجلسوا وتغدو وجاء وقت الشاهي ووقت ماهم جالسين يزقحون بالشاهي قال ابو عمر:ماشاء الله البنات كبروا الله يرزقهم الازواج الصالحين ام سامي :آآمين >>قاعدين على قلوبهم لأنهم خخخخخخخخ ناديه دوروا خشتها استحت وترقع وجهها بالوان القوس قزح من الحياء فهو ابو عمر حبيبها ابو عمرلقاء مدخل للموضوع وماصدق على الله:ام سامي وش رايك بعمر زوج لساميه صعقت ساميه وناديه وانصدموا وفي ها الوقت واثناء هالحديث كان امجد اخوهم الصغير بيطلع للشارع ويلعب مع اولاد جيرانهم وسمع هالخبر وطلع . قالت ام سامي:بس ياخوي ساميه صغيره عليه مره ناديه اقرب له في العمر . واسترجع ابو عمر ذاكرته وقال :اعذريني ياوخيتي انا اقصد ناديه.. واشر عليها..بس تعرفين دايم الخبط في اساميهم وضحكوا الجميع وناديه دوروها من الفرحه ام سامي :خير ان شاء الله ابو سامي يجي بكره ونحدد الملكه والزواج .................في هالوقت بالشارع .................... أمجد يلعب مع اولاد جيرانه حمد((اخو محمد الصغير وعمره 6 سنوات)):امجد خالكم عندكم امجد وببراءة الطفوله: ايه وعمر ولد خالي بيتزوج اختي ساميه . وكملوا لعب لين جاء وقت الظلام وكل منهم دخل بيته . والخال راح لبيته يبشر ولده .............................. ...................... للقصه بقيه بس في الجزء الثاني ان شاء الله تعبت من الكتابه واعذروني على الخبطه ترى اول مره اكتب قصه اتحمل النقد