رد على: الاحتضـــــــــان
اقتباس: المشاركة الأصلية كتبت بواسطة غريب الآه ام زياد طبعا انا غبت كم من يوم والسبب ولدك ياستي الولد طلع معه توحد بنسبة بسيطه وحاولي انك ما تحسسيه بها الشي وحاولي انك تخلية ينخرط مع ابناء الجيران ويكون صداقات مو تخلينه يتعرف على بنات وبعدين تقولين انت اللي قلت على العموم لا تخافي مع مرور الوقت بيتحسن فال الله ولا فالك ولدي طبيعي بس إنه أقشر ويحب الإبتعاد عن مجال سيطرتنا لأنني ببساطة أحرص عليهم حرص زيادة عن اللزوم مثال الآن يوم كمل عشر سنوات بديت أسمح له يروح للبقالة إللي الجدار بالجدار جنبي على طول بس أنا خوافةوكنت أنتقد جارتي ترسل أولادها للبقالة وهم أربعة أكبرهم أولى إبتدائي لأن الدنيا صارت تخوف وإحنا ساكنين على شارع عام وخطر وممكن أي واحد ينزل من سيارته ويشيل الأولاد ولا أحد يدري وين أراضيهم ومشكلة الولد يحب المغامرة والإنطلاق وأي شيء ممنوع عنه يحاول يتغيفلنا ويروح دون ما ندري الله يصلحك ياغريب روعتني على فكرة درجاته إمتياز في المدرسة من يوم ما إبتدى الدراسة إلى الآن في الصف الرابع ومن يوم دخوله المدرسة وجميع المدرسين إللي درسوه حتى المرشد الطلابي يقولون الولد ذكي بس مشكلته أفكاره أكبر منه بكثير وعاد نفسه رجال ويتصرف من راسة في المدرسة يعني يطلع م الفصل دونما يستأذن من المدرس أشرح لك الموقف يقوم من كرسيه ويلوح للمدرس بيده كأنه يلوح له بالتحية ويقول أنا رايح أجيب مساحة من المدير و تراي راي لدورة المياه أعزكم الله وما ينتظر المدرس يعطيه الأوكي يكمل طريقه وكأنه يقول تراني أقولك من باب العلم بالشيء وليس إستئذان منك يا أستاذي